侵侵的上台，是一眾男人的浪漫。
你可能覺得這傢伙很智障啊，但是，告訴你，當你是一個學歷不高、成就不高、人工不高，但年時已高兼血脂甚高、每日放工返到屋企對住個黃面肥嫦娥、仔女讀完大學去左城市有毛有翼兼不再聽你枝笛的中年美國呀叔。你的偶像很自然是這個有錢、成日上電視、狂妄自大兼有個辣到不行的老婆，但又對自己老婆勁無風度兼完全無尊重的咸濕伯父。
佢地支持侵侵唔係睇政綱，而係單純地想支持自己個偶像，每個老男人都係Daddy, 但唔係人人都有本事做到Sugar Daddy. 這是男人和女人的分別，女人見到對方好總是難免妒忌：點解你老公滾完落台，你仲可以選總統？點解你唔一哭二鬧三上吊？點解你唔係黃面婆？公平咩？我覺得你好假囉🙄🙄🙄
但男人是不同的，你有沒有試過幫自己的兄弟打掩護？佢女朋友黎搵你時，你自己會答：「佢岩岩去左廁所，我叫佢轉頭打返俾你！」之後拿拿臨打俾你去左某處溝緊女/打緊機的兄弟，同佢夾口供。男人就是這種東西，唔會理對錯，總之撐左你先，而越老的男人在這方面越是頑固。侵侵，就係美國老男人們最後的兄弟，他的政綱如何？不重要。他能夠上台，已經係一眾無論在家裡、還是在睡房裡都抬不起頭的男人，眾志成城的心願，我地係兄弟，睇你富貴梗好過睇你閉翳，爭氣呀！所以他千萬不要也不能變好孩子，也千萬不要變成那種體貼老婆兼且專一的紳士，會有好多伯父心臟承受不住中風的。
Oh, if the sky comes falling down, for you
There's nothing in this world I wouldn't do
#不專業政治隨筆
How to handle questions you don't like, according to President Trump:
Search